I sasti inklùsia se jekh anglederipen e kandidaturaqe #Jerez2031. Akava trujalipnasθe, sa e sektòrura aj asoziàcie mujarne kotar e ʒene e biśaipnaça kotar i diz semnosarde o Phandipen e kandidaturaqe kotar Jerez e Evropikano Śerutno Fòro e Kulturaqe 2031 ta, jekhvaxte, dine urǎvipen publikanes laqi angazaciaqe e drabaripnaça kotar o Kulturikano Inklusiaqo Manifèsto.
Solduj pośnesqe butǎmàta zentrisarde avdives o biavesqo suro kotar o Sundalutno Dives e Ʒenenqe e biŚAIPNAça so ondǒlas ande Muzèuma kotar i Atalaya e vastelipnaça savorre kolektivurença kotar akava zoralo sociàlo sektòri ta vi ondilo jekh speciàlo sociàlo ta inklusivikani fasionaqo phiripen.
Kadial, ʒene e verver śaimatença drabarde o Manifèsto vaśo Kullturikani Inklùsia #Jerez2031. Ta kerde len ando jekh speciàlo ćhand, sikavindoj lenqo deldumipen ando jekh video kaj, kotoral, sas sikavindoj ando skrèno o lekhavipen so mothovel i angazàcia e kandidaturaqe kotar #Jerez2031 e inklusiàça. Aver rigaθe, o suro agordǎs e Inklusiaqi Pasarelaça (o baro ondipen kotar i sociàlo aj inklusivikani fàsion) kaj deśa ʒene biśaipnaça phirde sar modèlura kotar verver kidimàta.
Manifiesto de Inclusión Cultural #Jerez2031
