Palal ćhona kotar zorali, phari aj sunali butǐ, #Jerez2031 registrisardǎ avdives ando Ministèro kotar i Kultùra i kandidaturaqi pustik e resaça so i diz ovel Evropikano Śerutno Fòro e Kulturaqe ando 2031. I propozìcia kidel e anelimàta kotar jekh participativikano procèso so barvalǒlas vi o mangipen vi o kulturikano progràmi ta so thovel i zor ando potencial kotar i kultùra kotar Jerez aj kotar i provìnza te transformisarel kotar o mesmerig e evropikani societetaqe, tromavindoj e moldaja kotar diversitèta, inklùsia aj vastelipen.
O lil, dino andi vaxt aj sar e thovde thamǎ kamen pen ando akharipen, anglìdel ande burial 60 riga aj xarnes ta direkt e 38 dine pućhimatenqe ando akharipen.
Kadial, i kandidatura kotar Jerez ko Evropikano Śerutno Fòro e Kulturàqe (EKSF) anel zoralikane argumètura, dàtura aj propozìcie e verver pućhimatenqe dine pe o kandidaturaqo denipen ke kulturikani stratègia lungones; o evropikano baripen aj o dikhavipen ando laqo progràma kotar i kulturikani diversitèta aj o tromavipen kotar o vakeripen aj o sombutikeripen e artisturença, e instituciença ta e dizěnça; o kulturikano aj artistikano somander, o keripnasqo śaipen kotar o kulturikano progràma ja o raipen aj o lovdipen kotar i konkrèkcia kotar i raipnasqi struktùra.
Pala i registràcia kotar o bid book putarel pes jekh alosaripnasqo procèso kaj jekh maśkarthemutni kris somkerdo kotar 10 phirne e verver evropikane themenθar plus duj ʒene anavǎrde kotar o espanikano Ministèro kotar Kultùra musaj te alosarèla e kandidàte dizǎ so nakhaven o jèkhto phiro.