Jerez buxlǎrèla laqe kulturikane infrastrukturenqe ande avinde berśa nais e 12 evrenqe miliònura lovdipnasqere astardo ando FEDER lovikano dromesqo akharipen e lokalone entiturenqe integrisarde butǎripnasqe planurenqere (EDIL) andi avlin e dizutno tordǒver ʒamavipnasθe, kotar o Regionàlo Ʒamavipnasθar Evropikani Lovelin ando 2021-2027qe programaciaqo vaxt ta laqi provisionàlo rezolùcia sas avridini iʒ. Adaćhande, i diz tradel strategikanes laqe xarimàta te zorǎrel e kulturikane sevimatenqi aj instalacienqi drakhin andro Evropikano Kulturaqo Śerutno Foresqi kandidatùraqo procèso ando 2031.
I rezolùcia te del akava vasno lovdipen sas lini iʒ kotar o Espàniaqo Rajpen arakhel pes inkluidisardi andro Bare Dizěnqo ćhand ta aresel 11.958,905 evre, 85% e lovikanipnasqi taksǎθar, ʒikaj o aver 15% si te avel dino kotar i komùna. Akava zoralo xaripen mekèla te tromavel e dizutno tordǒver ʒamavipnasqe kotar o trujalipnasqo, ekonomikano aj sociàlo dikhipen ta materializisarel o laćhǎripen kotar but verver barekhera kàste, maśkar aver prioritetenθe, kiderel neve kulturikane infrastruktùre e #Jerez2031qi Evropikano Kulturaqo Śerutno Foresqi kandidatùraqe, khetanes e Lokàlo Butǎripnasqo Plàno kotar i 2030qi Dizǎqiri Agènda.