O flamènk si jekh kendrutno kotor kotar o jerezikano patrimonium aj kotar i kulturikani programàcia kotar Jerea te ovel Evropikano Śerutno Fòro e Kulturaqe ando 2031qe. Jekh palmekipen so lel kotor kotar i kulturikani màrka kotar España, Andaluzìa aj Jerez andi sundal ta, andi akaja diz, so kerdǎ jekh modèli bi anglunimatença kotar i inklùsia kotar jekh selorri (o Rromano khetanipen) maśkaral i kultùra.
Ada ristǎripnaça aj e eksperenzaça kotar 29 baxtagorvale edìcie, o Festivàli kotar Jerez ʒanavdǎs avdives ando Khelipnasqo Kèndro Matadero kotar Madrid jekh sasti programàcia so ʒamavel pes maśkar o 20to e februaraqe aj o 7to e tritonajaqe e 2026qe. Adaćhande, e skenikane thana, ùlice thaj agrinǎ kotar i diz avèna pherde e butǎrimatença kotar i 30to edìcia kotar o Festivàli kotar Jerez ta e śelença e ʒenenθar so aven te gunʒaren aj te vastelen amari flamenkikani kulturaça kotar buteder desar 30 thema.
Savorral, o progràma inkluisarel 48 spektakùlura, 15 maśkar lenθe śirdimàta. Jekh programàcia so, thovdini e mangipnaça kotar i kandidatura #Jerez2031 Evropikano Śerutno Fòro kotar i Kultùra, thovel ćun pi diversitèta ta pi inklùsia, e keripnaça kotar jekh specifikano progràma e biśaipnaça ʒenenqe.
Te tromavel e tordǒver movilitètaqe, o Festivàli laćhǎrèla speciàlo bùso vaśo publìko śaj te andredel lokhǎripnaça aj gunʒarel kotar e spektakùlura e khelipnasqe kotar Manuela Carpio, Olga Pericet, Nino de los Reyes, Andrés Marí, Ana Morales, Salomé Ramírez, Farru ja e kompànie kotar Belén López ta Julio Ruiz khetanes e Ballet Flamenco de Andalucíaça ja o Nuevo Ballet Españolça; ja o gilavipen aj o baśavipen kotar Mayte Martín, Arcángel, Lela Soto, Yerai Cortés, Santiago Lara ja Ezequiel Benítez, maśkar averenθe
