I #Jerez203qi Evropikano Kulturaqo Śerutno Foresqi kandidatùra kramavel laqo phiripen andi laqi stratègia te khujarel sociàlone, kulturikane aj institucionalone durustǎ te zorǎrel laqo projèkto aj laqo kulturikano progràma. Ando akava somtruj, avdives sas dino jekh vasni padmad e keripnaça kotar jekh historikano maladipen kaj but baredera kotar i provìncia, khetanes e mujalença kotar o ruràlo jerezikano kotor vi kulturikane aj institucionalone mujale reafirmisarde lenqo kompromìso e khetani kandidaturaça kotar Jerez te avel anavǎrdi sar 2031qo Evropikano Kulturaqo Śerutno Fòro.
O butǎqo dives sas rajardo kotar o kandidaturaqo Rajarno Sombeśipen kaj len kotor: i bareder kotar Jerez, i María José García-Pelayo; i prabeśti kotar i Kadizikani Provinciàlo Diputàcia, i Almudena Martínez del Junco; o prabeśto kotar i Kadizikani Universitèta, o Casimiro Mantell; ta o prabeśto kotar i Kinbikinesqi Kamèra kotar Jerez, o Javier Sánchez Rojas. O butǎqo dives agorisardǎs jekhe sasto khetano pośneça e propoziciaqe thaj ko vastelipnasqo procèso te avel inkorporisarde kulturikane projèktura kotar sa e kadizikane kumùnǎ e programosθe so ʒàla e kandidaturaça.
Ando maladipen, e mujale kotar o #Jerez2031qi kandidaturaqo Teknikano Buro o Francisco Perujo (doktòro ando źurnalìsmo aj profesòro Periodismo, komunikaciaqo direktòro ta siklǎrno andi Universitèta kotar Kàdiz) ta o Antonio Javier González (doktòro aj rodlǎrno kotar INDESS-UCA) ʒanavde e klidǎ kotar i buti kerdi ʒi avdives ande komunikaciaqe, programaciaqe ta o themutno aktivikano vastelipnasqe avlinǎ ta mothovde phares i dromesqi màpa ta e avinde padmadǎ so mekhèna e sarkon komùnǎ te anen butǎrimàta te oven phande ando khetano provinciàlo projèkto.
O kidipen sas jekh vasni padmad ando tordǎripen jekhe, particivikani aj pluràlo, zoralikani kandidaturaqe savi dikhavel o ververipen aj o kulturikano barbalipen kotar i Kadizikani provìncia. Jekh propozìcia savi na numaj mangel te lel o evropikano anavipen no vi si la o mangipen te kerel positivikano aj tordǒver reslipen ando ekonomikano, sociàlo aj kulturikano avindipen kotar i sasti provinciàlo phuv vi andi laqi influenciaqo rig.