Buteder desar śel kulturikane butǎrne kotar Jerez aj kotar i sasti Kadizikani provìncia śirdǎn avdives te anen godǐmàta aj projèkte ande vastelipnasqe agòrurǎ organisarde kotar o #Jerez2031 Evropikano Kulturaqo Śerutno Foresqo Teknikano Buro. Akaja nevi fàsa, klidǐkani ando vastelipnasqo procèso kotar i kandidatùra, śirdǎs pes avdives e celebraciaça kotar i Ideas Lab Socialqi agòra. Jekh butǎqo progràma so kramavèla tehàra aj lujne e agorurěnça, respektivikanes, Ideas Lab Siklǎripnasqi aj Kulturikani.
Adaćhande, o vastelipnasqo procèso kotar i #Jerez2031qi Evropikano Kulturaqo Śerutno Foresqiri kandidatùra andrèdel andi jekh vasni fàsa kaj buxlǎrèla pes o agòrurěnqo sesiaqoro kalendàro: avèna e sociàlo, siklǎripnasqi aj kulturikani agòrurǎ e reseça te arakhel godǐmàta aj projèkte so aʒutisaren te kerel pes o kulturikano progràma kotar o vakeripen, o maladipen aj o divàno.
E agòrurǎ si o dùjto butǎqo nivèli palal o keripen, o nakhlo 2to e źulajqe, kotar o Fòrum Jerez 2031. Si espezialisarde thana te maśkarparuvel aj te vakerel e resaça te butikerel ande duj laboratòre, jekh palo aver: Ideas Lab (anglunes) y Projects Lab (paleder). Kana si agordisardo o jèkhto kotor kotar i procèso e celebraciaça kotar o Ideas Lab, ʒamavèna pen e Project Labqe Sociàlo, Siklǎripnasqi aj Kulturikani agòrurǎ kàste, e line andimatença, konkretisarel e andera, butǎrimàta aj projèkte thaj phandel len e verver programaciaqe linença te aven inkluisarde andi kandidaturaqi pustik (bid book) te avel ʒanavdi ko decembraqo agor.