Akava trujalipnasθe, ta e spidipnaça kotar o Atenèo kotar Jerez, Rabat Cittá Victoria semnosardǎs andi persutni novèmbra o phenǎlipnasqo lil kotar sol duj dizǎ, vaś, adaćhande, zorǎrel e institucionàlo felěnqe ta e kulturikane sombutikerimatenqe kotar sol duj municipiùmura andi lenqi res te oven Evropikano Śerutno Fòro kotar i Kultùra ando 2031qe. Jekh procèso so agordǎs ada javine e phenǎlipnasqo suro so sas les o isipen kotar jekh but baro kotor e municipàlo raipnasqe ekipenθar aj kotar e kulturikane, sociàlo, patrimoniumesqe aj siklǎripnasqe agèntura sol duj dizěnθar.
Palutne ćhonenθe, e teknikane bùrura kotar e kandidatùrurǎ kotar Jerez ta Viktòria ko Evropikano Śerutno Fòro kotar i Kultùra sas inkerdo jekh zoralo sombutikerimatenqo satar so àba mekènas te definisarel aj konkretisarel verver somtherde projèkturenqe so, khetanes, si andi kulturikani programàcia ande xodutne kandidaturaqe pustika. Akava butǎrimatenqo kramavipen zorǎrel o maśkarthemutno baripen kotar sol duj projèktura, si les e aktivikano vastlipnaça kotar e kulturikane agèntura kotar sol duj dizǎ aj somtherel jekh vipal brakhipnasqi stratègia kotar e evropikane moldaja maśkaral iniziatìvurǎ so, kotar i kltùra, tromaven e inklùsiaqe, e diversitètaqe aj o barabaripnasqe
