Jerez ovel adadivese o maśkarthemutno epikèndro vaś i analìza pi stratègia aj po avindipen kotar e kreativikane dizǎ. Si jekh divàno savo i diz kamel te tromavel aj rajarel e inizitivurença sar o Kreativikane Dizěnqo Divàno Jerez2031 so, e organizaciaça kotar i Kinbikinesqi Kamèra kotar Jerez, ʒamavel pes maśkar o 11to aj 13to e novembraqe e vastelipnaça kotar vasne maśkarthemutne phirne.
Akava Divàno si les i res te kerel jekh kritikano than te vakeras pi śajni transformisarni zor kotar i kultùra ta i themutni innovàcia ando adavaxtuno urbanikano trujalipen. Ondǒl pes ando Coworking kotar i Kinbikinesqi Kamèra, si les o aʒutipen kotar o Lovdipnasqo Strategikano Plàno kotar i Komùna kotar Jerez aj si les i res te lel profesionàlurença kotar verver avlinǎ so anen lenqe propozìcie aj phirnimàta e kulturikano projektenqe, kotar siklǎripen aj sostenibilitèta kotar #Jerez2031.
O progràma lel andre e selutne aj themutne vakernenqe aj baźarel lesqe beśimàta ande verver blòkura ta tematìkurǎ. O śirdutno vakeripen sas phenol ada teharine kotar o Jesús Prieto de Pedro, jekh referànto ande kulturikane hakaja, Administrativikano Hakaipnasqo profesòro andi UNED ta titulàro kotar o Skamind Andrés Bello kotar Kulturikane Hakaja.
Maśkar e vakerne vazdarel pes vi o aspen kotar o espanikano arxitèkto Santiago Cirugeda (maśkarthemutno referànto andi sociàlo arxitektùra), vipal o anglikano profesòro, kuratòro aj phirno andi themutni dramatùrgia o Chris Baldwin, kon sas o artistikano direktòro kotar verver kandidatùrurǎ e evropikano śerutno foresqe e kulturàqe sar Wroclaw 2016 (Pòlska) ta Galway 2020 (Irlànda) aj godorvalo kotar bare kulturikane ondimàta vaś Eleusi 2023 (Hèlas) aj Kaunas 2022 (Lituània).
