O vastelipen si o kendrutno jaćho kotar o kandidaturaqo procèso kotar Jerez e Evropikano Kulturaqo Śerutno Foresqe ando 2031. Jekh stratègia so ande avinde kurke barǒla i zor ta o mandaipen laqe butǎripnasθar e akharipnaça aj e celebraciaça kotar e godǐmatenqe aj projektenqe agorùrǎ palal o keripen kotar o Fórum Jerez 2031 so, e vastelipnaça kotar buteder desar 350 butǎrne kotar e kulturikano, kreativikano aj patrimoniàlo kotora e dizǎθar aj e Kadizikani provincǎθar, ondǒlas avdives ande dizǎqe Atalaya Muzeumura.
O suro, kaj las kotor mujale kotar o Rajarno Sombeśipen kotar #Jerez2031 Evropikano Kulturaqo Śerutno Fòro (i bareder kotar Jerez, i María José García-Pelayo; i prabeśti kotar i Kadizikani Diputàcia, i Almudena Martínez; o prabeśto kotar Universitèta kotar Kàdiz, o Casimiro Mantell; ta o prabeśto kotar i Kinbikinesqi Kamèra kotar Jerez, o Javier Sánchez Rojas), sas organisardo e reseça te del avri jekh nevi fàsa kotar o kandidaturaqo vastelipnasqoro procèso kàste, maśkaral o vakeripen aj o somkeripen, konkretisarel e godǐmàta aj e projèkte so meken te ulavel, kotar o nevǎripen, o ververipen ta o labǎripen, o somander kotar o kulturikano progràma kotar i kandidatura e Evropikano Śerutno Foresqe.
Adaćhande, e vastelne pherènas lila kàste, umblavel lenqo rig, phirnipen aj butǐ, andreden varesave kotar e trin anglaldikhle agòrurǎ: kulturikani, siklǎripnasqi aj sociàlo. Palal o Fórum Jerez 2031 (lokhǎrno kotor e dùjto vastelipnasqo procesosqi fasaqe), si i var te butikerel vast vasteça khetanes e ćaće kandidaturaqe arxitèktença: e manuśa kon dinamizaren i kulturikani aj kreativikani indùstria amari phuvǎθar.