O Teknikano Buro kotar i kandidatùra #Jerez2031 ko Evropikano Śerutno Fòro kotar i Kultùra ta i Delegàcia kotar Kultùra kotar i Komùna kotar Jerez kidènas pen adabelvele jekh Informativikani Sèsia e kulturikane, siklǎripnasqe aj patrimoniàlo sektòrurença kotar i diz aj kotar i provìnza te informisarel po kandidaturaqo procèso palal o ʒanavipen andi palutni Dezèmbra kotar o bid book ta, śeral, te ʒanavel e strategikane lilenqe kidenqere so, aśal i butǐ kotar i kandidatùra ande palutne ćhona, thoven kotar avdives ćhivde e themutnipnasqe aj e line agènturenqe. Si o Dikhlǎripen kotar o Strategikano Kulturikano aj Kreativikano Plàno kotar Jerez, o Rodipen pe Kulturikane Pràktìke aj Aćara ja jekh sasti aj akanutni online kartogràfia kotar therimàta aj infrastrktùrura.
I res si so akala lila, reslǒver jekhe klikeça maśkaral i website kotar #Jerez2031, aven zorne vi e maj vinkulisarde sektorenqe vi i sasti sozietètaqe. Kadial, kamel te ćhivel ando moldaj i butǐ ʒamavdi ande palutne ćhona ta so, adasure, sas konkretisardo andi jekh kida kotar neve butvasne barvalimàta e kulturikani strategiaqe kotar i kandidatùra.