I #Jerez2031qi Evropikano Kulturaqo Śerutno Foresqi kandidatùra śìrdel adalujne jekh nevi fàsa kotar laqo vastelipnasqo procèso palal o ondipen, o nakhlo źulajine, kotar e Ágoras Ideas Lab. Adaćhande, maśkar o 6to aj o 9to e oktobraqe aj ande śtar thana kotar o Butlabǎrnenqo kher kotar o Kadizikani Universitetaqo Jerezikano Kàmpus, Jekh śel kulturikane, socialone aj siklǎripnasqe butǎrne e sasti provinciaθar ka aven lenqe o śajnipen te len kotor ando Ágoras Projects Lab.
Organisarde kotar o #Jerez2031qo Teknikano Buro e Ágoras Projects Lab si dikhle sar somkeripnasqe thana te presentisarel, te vakerel ta o maśkarparuvipen e projektonqe ande śtar somtruja: baśavipen, phuv, dikhipnasqe aj nakhavipnasqe. Te ondǒl akaja dùjto fàsa kotar e vastelipnasqe agoròrurǎ i #Jerez2031qo Evropikano Kulturaqo Śerutno Foresqi kandidatùra si la i res te arakhel projekhtòrura so kontribuisaren te tordǒl pes laqi kulturikano programesqe kotar o vakeripen, o maladipen ta o divàno.
E #Jerez2031qe Agoròrurǎ keren pen, kothal, jekh spezialisarde maśkarparuvipnasqe thanenqi drakhin te aresel i res te butikerel ande duj laboratòrura, jekh palo aver: Ideas Lab (ondine o nakhlo źulajine) ta e Projects Lab. Jekh vastelipnasqo procèso so mekhèla te anel propozìcie e verver programaciaqe liněnqere so avèna inkluisarde andi kandidaturaqi pustik (bid book). Akava lil musaj te avel ʒanavdo kotar i #Jerez2031qi Evropikano Kulturaqo Śerutno Foresqi kandidatùra agoral e avindi decèmbraqi ćhon.