O Kulturikano Sombeśipen kotar i kandidatùra kotar Jerez 2031, Evropikano Śerutno Fòro kotar i Kultùra (European Capital of Culture, ECoC), kidindǎ pes avdives palem vaś, maśkar aver butěnθe, ʒanel o akanutno isipen kotar o kandidaturaqo procèso palal o ʒanavipen ando palutno dezèmbra kotar o bid book ta dikhlǎrel e verver lila kerde ande palutne ćhona te barǒvel i situàcia kotar o kulturikano ekosistèma kotar i diz ta i provìnza.
E kidipnasθe, e somdasne kotar o Kulturikano Sombeśipen siklǒnas e klidǎ kotar i propozìcia kotar i kandidatùra de Jerez ko Evropikano Śerutno Fòro kotar i Kultùra ando 2031 y, śeral, protagonizisarde o jèkhto butǎripen kotar o amboldipnasqo procèso kotar e reslimàta e kulturikano ekosistemeça kotar i provìnza vaś te, uzal te prinʒarel lenqi angazàcia aj vastelipen, ʒal jekh phiro angleder e ekshibìciaça aj nakhavipnaça kotar o khetanipen e lilenθar kerde kotar #Jerez2031 te ʒanel xarnikanes i akanutni situàcia aj śaimàta kotar e dinamìke aj kulturikane xarimàta ta te rendarel jekh akanutni màpa kotar kulturikane therimàta ta infrastruktùrurǎ.
I res akava zordipnasθar si ambòldel e themutnipnasqe o reslipen kotar i butǐ kotar i kandidatùra vaś akala lila, reslǒver numaj jekh klikeça maśkaral o website kotar #Jerez2031, avèna zornes vi e sektòrurenqe maj vinkulisarde e projektoça vi e sasti societèta: Dikhlǎripen kotar o Strategikano aj Kulturikano Plàno kotar Jerez (SKKPJ), o Rodipen pe Kulturikane Pràktìke ta Aćarimàta ta jekh sasti kartografìa kotar infrastruktùrurǎ aj barvalimàta strukturisarde anda trin avlinǎ: kulturikane therimàta, aver therimàta ta kulturikano ekosistèma.
O avindo luj avèla jekh informaciaqi sèsia e kulturikane, siklǎripnasqe aj patrimoniumesqe sektòrurença kotar Jerez ta provìnza kotar Kàdiz vaś te sikavel xarnikanes akaja màpa kotar neve barvalimàta.