Kana nićol numaj jekh kurko vaś Jerez brakhel laqi kandidatùra ko Evropikano Śerutno Fòro kotar i Kultùra e 2031qe o avindo 10to e Tritonajesqe ando Ministèro e Kulturaqe kotar Madrid, o Raipnasqo Sombeśipen kotar #Jerez2031 sas les ada javin jekh butǎqo kidipen te lel e khonʒǎrimàtenqe kotar o brakhipnasqo suro kotar jekh ekìpo tradino kotar i Bareder kotar Jerez, María José García-Pelayo (Ućeder mujarni kotar i spiderni institùcia kotar i projèkto: i Komùna kotar Jerez), ta integrisardo kotar deś ʒene maśkar managèrura aj profesionàlura kotar i kultùra verver berśimatença aj kotar sasti provìnza. I agènda kotar o kidipen sas laθe vi jekh informaciaqo javinaqo xaben e komunikaciaqe mediença te nakhaven len phares e khonʒǎrimàtenqe kotar o kandidaturaqo procèso aj te palikerel lenqi trebutneder butǐ ando dikhlǒveripen aj ʒanipen laθar.
Kadial, i Bareder kotar Jerez, María José García-Pelayo, o Jèkhto Telprabeśto kotar i Diputàcia kotar Kàdiz, Juan José Ortiz, o prabeśto kotar i Universitèta kotar Kàdiz, Casimiro Mantell, ta o prabeśto kotar i Kinbikinǎqi Kamèra kotar Jerez, Javier Sánchez, sas len śaipen te analizisaren, khetanes e Teknikano Bureça e kandidaturaqe, e khonʒǎrimàtenqe kotar o procèso aj e klidǎ kotar o ʒanavipnasqo suro kaj, ando burral 30 minùtura, si e meken sikavde aj vazdarde o mothovipen aj e strategikano anglederimàta kotar jekh provinciàlo kandidatura so thovel ćun zorales e kulturaqe sar transformaciqo motòri; sar platafòrma e sombutikeripnasqe, e vastelipnasqe aj e somkeripnasqe ta sar jaćho e tordǎripnasqe kotar jekh evropikano projèkto so virthovel ande lesqe anglederimatenθe e moldaja kotar inklùsia, diversitèta, śaimatenqo barabaripen aj sostenibilitèta.
Akava trujalipnasθe, e deś ʒene somdasne kotar o brakhipnasqo ekìpo kotar i kandidatùra kotar Jerea ko Evropikano Śerutno Fòro kotar i Kultùra e 2031qe si te vazdaren o sasto sombaśipen kotar o kulturikano progràma e tordǎripnaça kotar i moldajesqi Evròpa, laqo praśukar maśkarthemutno baripen e aktivikane somdasne kotar e panʒ kontinèntura aj laqo protagonìsmo te laćhǎrel e biźaipnasqe kotar verver kulturikane, siklǎripnasqe aj patrimoniàlo sektòrura kotar i khetani provìnza.
- María José García-Pelayo Jurado, Jurado, sherutni e Jerez de la Frontera
- Antonio de la Torre Palacios “Layto”, terno rapero thaj kulturako kreatori
- Antonio González Rueda, šerutno e strategijako vaś #Jerez2031
- Lana Gungic, Sherutni e Evropaki Dimenzia vash #Jerez2031
- Fredes Insa Mérida, Direktoro andar Fredes Insa Śkòla vaś Khelipen thaj Muzikàlo Komedìa
- Rosario López Monreal, Direktoro vash Kulturaki Akcija thaj Projektosko Menadžmento ki Montenmedio Contemporary Fondaciaki
- Antonio Mariscal Rodríguez, prezidento e Jerez Socialno Konsilosko thaj e Jerez Tourism Destinations Cluster
- Miriam Morales Lara, direktorka e Andrés de Ribera Fondaciaki
- Fabián Daniel Sánchez García, Prezidento kotar i Nacionalno Asociàcia vaś i Gypsy Prezènca thaj śerutno kotar o projèkto “Evropaqe droma karing o Gypsy Kulturalo Barvalipen”
- Ramiro Villapadierna, šefo e kulturake programiribasko vash #Jerez2031
