I Kandidatùra kotar Jerez 2031, Evropikano Śerutno Fòro e Kulturaqe, śirdǎs o kurko jekhe zoralo butǎqo diveseça maśkar e somdasne kotar o ekìpo kotar o Teknikano Buro ta o vastelipen kotar o Raipnasqo Sombeśipen, mujardino kotar i Bareder kotar Jerez, María José García-Pelayo; i Prabeśti kotar i Provinciàlo Raipen kotar Kàdiz, Almudena Martínez del Junco; o prabeśto kotar i Universitèta kotar Kàdiz, Casimiro Mantell; ta o prabeśto kotar i Kinbikinesqi Kamèra kotar Jerez, Javier Sánchez Rojas.
Divese, sas phandine e somandera kotar i propozìcia so i diz kotar Jerez, khetanes sa i provinzaça kotar Kàdiz, ingerèla ki Evròpa aj sas vakerde e kotora e kandidaturaqo procesesθar resle, maśkar lenθe, o jalo nevǎripen kotar o Strategikano Plàno kotar Kultùra aj Kreativitèta, o keripen kotar o Kulturikano Sombeśipen kotar i diz, e maśkaripnasqe butǎ e Espanikani Federàcia kotar Munizìpura aj Provìnzurǎ (EFMP), ta o thovipen kotar strategikane durusta e dizǎça ta entitèturǎ ko maśkarthemutno nivèlo e resaça te zorǎrel o evropikano baripen e projektesθar.
