Jerez mangel te avel Evropikano Śerutno Foro kotar i Kultùra ando 2031qe. Kotar tehàra, avèla jekh berś buteder o sundalutno Śerutno Fòro kotar o flamènko nais e 30to ediciaqe kotar o Festivàli kotar Jerez. Jekh maśkasthemutno ondipen so spìdel e moldajenqe kotar inklùsia, diversitèta ta innovàcia kotar #Jerez2031 aj so kidel andi diz śela e ʒenenθar kotar buteder desar 30 verver thema.
Kadial, o spektàkulo kotar i Compañía de Manuela Carpio śirdèla tehàra, kotar e 20:30 ćàsura ando Teatro Villamarta, jekh edìcia so si laqe respaś 50 ondimàta aj ka pherdǎrel kotar flamènko verver skenikane thanenqe, agriněnqe aj ulicěnqe kotar i diz. Jekh programàcia so, ando akava suro, arakhel pes śeral thovdini e mangipnaça kotar i kandidatùra #Jerez2031 Evropikano Śerutno Fòro kotar i Kultùra, so thovel ćun e diversitetaqe aj inklusiaqe ta so lel andre jekh specifikano progràma e biśaipnaça ʒenenqe, vi neve propozìcie aj thana te tromavel o vastelipen kotar o themutnipen aj kotar e dizǎqe kulturikane agèntura, sar si o suro kotar o Teatro La Gotera de Lazotea.