#Jerez2031 mangel te avel ande sa e xingǎ kotar i diz vaś sa o themutnipen xaćarel i zor kotar jekh kandidatura ko Evropikano Śerutno Fòro e Kulturaqe so kamel te transformisarel i diz ta i provìnza. Odolesqe aj khetanes i bari var kotar i Krećunesqi kampània, e kinbikinǎ ta e hotèlura kotar i diz sikaven adadivese ćatrinutne vinìlurenqe ande lenqe dikǎrněnθ aj ekshibitorurenθe vaś, kadial, te zorǎrel i kampània “Jerez si Kultùra. Tu san ŚERUTNO” bućhǎrdini ćhona angleder.
Ando akava trujalipen, o Teknikano Buro kotar #Jerez2031, ando sombutikeripen e Xaripen ta Kinbikinǎqo Sevipen kotar i Siklǎripnasqi, Profesionàlo Formàciaqi, Universitetenqi, Butǎqe, Kinbikinǎqi aj Xaripnasqi Delegàcia kotar i Komùna kotar Jerez, bićhaldǎ andi bari kampània kotar o Krećùno i dùjto fàsa kotar “Jeres si Kultùra. Tu san ŚERUTNO”. Jekh iniziatìvura so linǎ, uzal, o pośno aj o vastelipen kotar verver representativikane asoziàcia kotar o sektòri e dizǎθar.
Akava butǎripen lel kotor kotar i kampània “Jerez si kultùra. Tu san ŚERUTNO” so si dikhlǒver kotar varesave ćhona ande mupis aj autobusesqe tordinǎ kotar i diz aj savi sas ćiterni e resaça te zorǎrel i visibilitèta kotar i kandidatura kotar Jerez ko Evropikano Śerutno Fòro kotar i Kultùra ando 2031 ta zorǎrel e interàkciaqe e themutnipnaça.
