Jerez aj laqi kultùra si baxtalipnasθe palal te sas dino o alosaripen sar 2026qo Espanikano Śerutno Fòro kotar i Gastronòmia kotar i Espanikani Federàcia kotar Turismosqe Źurnalìstenqi ta i Espanikani Federàcia kotar i Hotelenqi Industrìa palal o pinʒarnenqi krisǎqo vakeripen kon, angleder, moldine e kandidaturenqe kotar e duj dizǎ save aresle ko agoripen: Jerez aj Antekèra.
Kadial, Jerez kramavel limavindoj padmadǎ ando laqo dizǎqo kulturikano projèktosqoro zorǎripen karing o procèso kotar i kandidatùra sar Evropikano Kulturaqo Śerutno Fòro ando 2031. Ando akava somtruj, i diz ʒanavèlas pes ko 2026qo Espanikano Śerutno Fòro kotar i Gastronòmia e mothovipnaça “xan, pien ta kamen Jerez” ta jekhe butǎqo programoça kerdino ande śtar strategikane droma: o palmeklipen ta i tradìcia; o sombutipen aj o maśkarparuvipen (maśkar i interàcia kotar i gastròmia thaj aver kulturikane butǎ); inkeripen (jekhe propoziciaça phanli e inkerdǒver ʒamavipnasqe resěnça); ta o talènto aj e gastronòmiaqe butǎ (jekhe programoça kerdo karing e ternenqe, e siklǎripnasqe aj e butǎqo trainingosqe).
Kadial, o 2026qo Espanikano Śerutno Fòro kotar i Gastronòmiaqi kandidaturaqo projèkto sas thovdino po mangipen kotar i 0 kilometresqi inkali kotar i trujaluni umal, o tradicionàlo tavipen, o ućo avangardìsto tavipen, o rromano tavipen, e tabanco (jerezikane kèrćimǎ) thaj o amalipen maśkar o flamènko ta o tavipen, maśkar but aver zorale riga.