I diz kotar Jerez lel kotar avdives o Maśkarthemutno Kongrèso “600 berśa kotar Theripen aj Rromipen”. Ʒamavèla pes maśkar o 18to aj o 19to e novembraqo andi Historikani Bar kotar Alcázar kotar Jerez aj si organizisardo kotar i Selutni Asoziàcia Presencia Gitana ta i Fondàcia Secretariado Gitano, e sombutikeripnaça kotar i Komùna kotar Jerez aj e pośneça kotar o Ministèro kotar Sociàlo Hakaja, Xaripen aj Agènda 2030, ERIAC, i Evropaqi Komìsia, Amazon Music ta i Federàcia Kamira.
Uzal, si les o pośno kotar o Teknikano Buro kotar #Jerez2031 sosθar o Rromipen aj o Flamènko si jekh korkorrutno kotor e mangipnasθar aj e programesθar kotar i Kandidatùra ko Evropikano Śerutno Fòro kotar i Kultùra aśal si jekh butbaro theripen so vazdarel amenqe aj lenqe kulturikani inklusiaqe moldaja kamas te buxlǎras e Evròpaθe ta e sundalesθe.
