Jerez sunǎrel te ovel o Evropikano Śerutno Fòro kotar i Kultùra ando 2031 ta, ada vipal diz, kidindǎ avdives o anavǎripen sar Espanikano Śerutno Fòro kotar i Gastronòmia e 2026qe. Jekh projèkto, boldino ando ćaćipen nais e angazàciaqe kotar but ʒene aj kolektìvura, so pućhen o palmekipen aj o spidipen kotar i jerezikani gastronòmia aj so virsikavel laqo śaipen te tromavel aj te tradel selutne aj maśkarthemutne programenqe aj ondimatenqe.
O suro, ʒamavdo ando Salón Noble kotar i Komùna, sas lesqe o aspen kotar i Bareder kotar Jerez, María José García-Pelayo, kon lilǎ o anavǎripen e vastenθar kotar o prabeśto kotar Espanikano Śerutno Fòro kotar i Gatronòmia, Mariano Palacín, ta i Ana Poquet, konsilòri kotar Turìsmo kotar i Komùna kotar Alakant.
Kadial, Jerez lel laqi angazàcia e tromavipnaça, prinʒaripnaça aj baźaripnaça kotar laqi kultùra, vi i gastronomikani, śajni te anel śaimàta, butǐ aj barvalipen aj te paśanel ʒene e sundalesθar. Akava sureça śìrdel jekh zoralo butǎripnasqo progràma so avèna ʒamavde adaberśe andi sasti diz kaj krisin, nevǎripen, nakhlipen aj avindipen den pe vasta nais e butǎqe aj e sombutikeripnasqe kotar e verver vinkulisarde sektòrura e gastronomiaqe aj e hotelenqe.
O anavǎripen sar Espanikano Śerutno Fòro kotar i Gastronòmia e 2026qe avel, uzal, andi avlin kotar i kandidatura kotar Jerez ko Evropikano Śerutno Fòro e Kulturaqe ando 2031qe. Jekh eksperènza so zorǎrèla aj thovèla i butǐ kotar i diz te bòldel e kulturaqe ando jaćho kotar laqi avindipnasqi stratègia.